مصر تبهر العالم وتخسر بشرف أمام البرازيل بكأس القارات

شاءت الاقدار ان ينهزم المنتخب المصري وسجل كاكا هدف الفوز للمنتخب البرازيلي مع الدقيقة الأخيرة من اللقاء الذي انتهى بفوز الأخير 4-3 بعد اداء مشرف ابهر العالم لأحفاد الفراعنة في افتتاح مباريات المحموعة الثانية بكأس القارات.
سجل أهداف المنتخب البرازيلي كلاً من كاكا ولويس فابيانو وخوان، بينما سجل للمنتخب المصري محمد زيدان (هدفين) ومحمد شوقي.
هدف البرازيل الاولالبداية كان يشوبها الخوف الكبير من جانب لاعبي المنتخب المصري، وتمكن كاكا من افتتاح النتيجة للمنتخب البرازيلي مستغلا دربكة الثنائي هاني سعيد ووائل جمعة واسكن الكرة في شباك الحضري بسهولة في الدقيقة 6.
بعدها، بدأ المنتخب المصري تدريجياً الدخول في المباراة، وانطلق ابوتريكة من الناحية اليمنى ومرر عرضية نموذجية على رأس محمد زيدان الذي اودع الكرة برأسه في شباك الحارس البرازيلي سيزار مسجلا هدف التعادل في الدقيقة 9.
الهدف الثانيوعاد المنتخب البرازيلي، وفرض هيمنته على مجريات الأمور، ومن كرة ثابتة أرسل إيلانو كرة عرضية على رأس لويس فابيانو في الدقيقة 12 الذي حولها في شباك الحضري في غياب وائل جمعة البعيد عن مهاجم اشبيلية الاسباني.
وانطلق كاكا المنتقل حديثاً لصفوف ريال مدريد الاسباني ودخل منطقة جزاء المنتخب المصري في الدقيقة 20 ومر من هاني سعيد، قبل ان يتدخل وائل جمعة ويبعد الكرة.
وأرسل إيلانو كرة عرضية من ضربة ركنية من الناحية اليمنى في الدقيقة 24 استقبلها المدافع خوان برأسه ووضعها فوق عارضة عصام الحضري.
الهدف الاول لمصروفي الدقيقة 26 سدد إيلانو متخصص الكرات الثابتة في المنتخب البرازيلي تسديدة قوية من ضربة حرة مباشرة من على حدود من مطقة الجزاء في يد الحضري.

وسدد حسني عبد ربه كرة أرضية بعيدة المدى في الدقيقة 30 تصدى لها الحارس البرازيلي سيزار بثبات.

وانفرد ابوتريكة بالحارس سيزار في الدقيقة 33 وسط مراقبة من إيلانو ومر منه في المرة الأولى قبل ان يبعدها الأخير في النهاية وتضيع هجمة خطيرة للمنتخب المصري.

ومن خطأ دفاعي مكرر للمنتخب المصري، ارسل إيلانو عرضية من ركنية على رأس خوان غير المراقب واضعاً الكرة بسهولة في شباك الحضري مسجلاً الهدف الثالث في الدقيقة 37.

شاهد الفيديو
الثانى و الثالث لمصرومن ضربة رأسية رائعة استقبل حسني عبد ربه عرضية سيد معوض من الناحية اليسرى، لكن كرته مرت بقليل فوق عارضة سيزار في الدقيقة الأولى من الوقت بدل الضائع بالشوط الأول.

وعلى عكس منوال الشوط الأول تماما، نزل المنتخب المصري الشوط الثاني متذكراً انه المنتخب الأول في افريقيا، واشرك حسن شحاتة أحمد عيد عبد الملك بديلاً لأحمد حسن أملاً في زيادة الفاعلية الهجومية وتعويض فارق الهدفين.

وانطلق سيد معوض من الناحية اليسرى في الدقيقة 53 وأرسل عرضية أرضية على حدود منطقة جزاء البرازيل على قدم محمد شوقي الذي سدد في شباك سيزار الذي وقف يشاهد الكرة في مرماه ولم يحرك ساكناً.

بعدها مباشرة، مرر أبو تريكة افضل لاعبي المنتخب في اللقاء تمريرة رائعة لزيدان داخل منطقة الجزاء سدد بقدمه اليسرى قوية في شباك سيزار مسجلا هدف التعادل للمصريين في الدقيقة 56.

شاهد الفيديو
هدف البرازيل الرابعشعر دونجا المدرب البرازيلي بخطورة المنتخب المصري وأجرى تغييرين بإشراك الكسندر باتو وراميريس بدلاً من روبينيو وإيلانو.

بعد هدف التعادل، تبادل المنتخب المصري ونظيره البرازيلي السيطرة على الكرة لكن دون خطورة تذكر على الحارسين.

وفي الدقيقة 72، انطلق محمد ابوتريكة من وسط الملعب وراوغ أكثر من لاعب في طريق للحارس البرازيلي، قبل ان يخطف الكرة المدافع الصلب داني الفيس.

واطلق كاكا قذيفة "كرباج" من على حدود منطقة الجزاء في الدقيقة 76 مرت بقليل من فوق عارضة عصام الحضري.

وسدد أحمد فتحي قذيفة رائعة في الدقيقة 83 مرت من فوق عارضة الحارس البرازيلي سيزار وخرجت ضربة مرمى.

وشهدت الدقيقة 89 ضربة جزاء صحيحة للمنتخب البرازيلي بعد ان تصدى احمد المحمدي لتصويبة كاكا بيده ليشهر حكم اللقاء البطاقة الحمراء في وجه.

تصدى كاكا لضربة الجزاء واسكنها الزاوية اليمنى لعصام الحضري الذي حاول متابعة الكرة لكن سرعة الكرة وقوتها كانت كفيلة ان تسجل الهدف الرابع للمنتخب البرازيلي.

من تعليقات القراء
آداء بطولى عالمى

آداء مشرف مشرف مشرف لفريق مصر البطل ..وبدون فخر إستطاع الفراعنه بفدائيتهم إحراج فريق السامبا وحبسهم فى نص ملعبهم طوال الشوط الثانى ..وهذا هو الإنجاز المشرف الذى سوف ننال به إحترام مشجعى كرة القدم فى العالم بالرغم من الهزيمه..فهى هزيمة بطعم النصر نظرا للآداء البطولى للاعبين والروح القتالية التى تحلوا بها...وأقول للكابتن حسن شحاتة يجب إعادة النظر فى خط الدفاع لأنة نقطة ضعف خطيرة لايجب التهاون فيها..وبالتوفيق فى المباريات القادمه وكلنا تفاؤل بنتائجها التى سوف تعزز من مكانتنا بين فرق العالم ..وبالتوفيق دائما يافراعنة مصر المحروسة.
قيم هذا التعليق ابلغ عن تعليق غير لائق تعليق :gamalsbaqبتاريخ : 15/06/2009 09:33:00 م
جمال صابر الكويت

الف مليون مبروك لمصر صحيح اتغلبنا لكن بطعم الفوز لان نجومنا تلاعبو بابطال العالم خمس مرات وشوفو فرحة دونجا ونجوم العالم بعد نهاية المباراه مبروك وللامام دائما يا مصر
قيم هذا التعليق ابلغ عن تعليق غير لائق تعليق :midoooبتاريخ : 15/06/2009 09:29:00 م
والله وعملوها الرجالة

الحمد لله يا جماعة ونحمد ربنا على النتيجة وان شاء الله المتش الجاى المنتخب هيفوززززززززززززز... اطمنى على المنتخب
قيم هذا التعليق ابلغ عن تعليق غير لائق تعليق :maa_khiryبتاريخ : 15/06/2009 09:27:00 م
يمكن

اكرر ان المنتخب مستواه سىء و لازم من تحليل ال 5 اسباب و راء اى هزيمه او نصر و وجود مبداء للثواب و العقاب و مخطط للمسؤلين عن حل ال 5 اسباب و انا مصرى صميم بس ما بيعجبنيش العواطف الجارفة فى اتخاذ قرار لسه امبارح بنقول سىء و بعدها نقول كويس ده معناه اننا مابنحكمش بعقل على اى حاجه
قيم هذا التعليق ابلغ عن تعليق غير لائق تعليق : fa3el 5erبتاريخ : 15/06/2009 09:09:00 م
الله اكبر

هناالمصريين في دبي كانوا بيشدوا في شعرهم - محدش كان مصدق اللي بيحصل

بجد أدء رائع وعلى الله يستمروا على نفس الاداء

تحيامصر
قيم هذا التعليق ابلغ عن تعليق غير لائق تعليق :elngarبتاريخ : 15/06/2009 09:08:00 م
برافو يا معلم حسن

اثبت المعلم او الشاطر حسن انه مدرب فاهم وبرافو برافو زيدان بجد لاعب عالمىوالله مش مجاملة وبرافو ابو تريكة بس الحضرى المفروض ياخد استمارة 6 ومبروك لمصر وعقبال ايطاليا
قيم هذا التعليق ابلغ عن تعليق غير لائق تعليق :alkhrebبتاريخ : 15/06/2009 09:01:00 م
حاجة غريبة مش كده

يا جماعة ده مستوى منتخبنا الحقيقى وانا ليا راى فى موضوع تصفيات كاس العالم
احنا حظنا وحش فى التصفيات دى ولاحظوا تلاقوا اننا بنلعب كويس فى كل المتشات والمباريات وعند تصفيات كاس العالم بيحصل اى حاجة تعطلنا واحنا كلنا فاكرين طوبة منتخب زمبابوى وبعدها فرصة مجدى طلبه وغيرها كتير نلعب ونعمل كل حاجة فى الكورة ونتغلب ومنوصلش لكاس العالم حاجة غريبة مش كده
قيم هذا التعليق ابلغ عن تعليق غير لائق تعليق :shalotalبتاريخ : 15/06/2009 08:58:00 م
محاسبة اللاعبين

كنت اكثر المتفائلين وانتظرت هزمة مصر بثلاثة اهداف ولكن مع هذا العرض الذى ابهر العالم وضح تخازل المنتخب امام فريق الجزائر فهؤلاء اللاعبين يلعبون لانفسهم فقط
فامام اغلى فرق العالم ثمنا واشهرهم تلاعبوا بهم ولم يهابواهم فاين هؤلاء من مباراة الجزائر وما سبب هذا التخاذل فى هذة المباراة فانا اريد بعد هذا الاداء المزهل امام اقوى فرق العالم
ان يعاقبوا هؤلاء اللاعبين على ادائهم امام الجزائر واطالب ايضا بمحاسبتهم لو تخازلوا امام فريق ايطاليا او امريكا ولا داعى للشماعات الامكانيات
والخبرة وغيرة فمن صنع مباراة البرازيل ليس الصدفة ولاكن الاصرار والحماس
وطموح لاعبين
قيم هذا التعليق ابلغ عن تعليق غير لائق تعليق :hazza16بتاريخ : 15/06/2009 08:53:00 م
بحب بلدي بكل ظروفها

إحنا خسرنا 3 نقط لكن كسبنا إحترام العالم كلة , مصر تصد مع البرازيل لحدالدقيقة93 و الحكم خاف من مشاهير البرازيل عشان كدة طرد المحمدي و ضربة جزاء لصالح البرازيل . معلش المهم المتشات الجاية انشاء اللة بنفس المستوي
قيم هذا التعليق ابلغ عن تعليق غير لائق تعليق :rafatelshafeyبتاريخ : 15/06/2009 08:51:00 م
رغم أنف النائمين فى الدرة

رجالة ..رغم الأخطاء انما رجالة..عمار يامصر برجالك..رغم أنف الحاقدين..والنائمين فى الدرة!!!!!!!!
قيم هذا التعليق ابلغ عن تعليق غير لائق تعليق :karimkoko22بتاريخ : 15/06/2009 08:49:00 م
مبروك لمصر

زكريات غانا هترجع تانى

قيم هذا التعليق ابلغ عن تعليق غير لائق تعليق :rafatelshafeyبتاريخ : 15/06/2009 08:47:00 م
المصريين أهمه

أثبت أبناء شحاتة أنهم قادرون على مواجهة العظماء..وخسروا بشرف..اللهم أتمم نعمتك على هذا الشعب العظيم بما هم أهل له من الرفعة فى كل الميادين ...ااااااامين.......
قيم هذا التعليق ابلغ عن تعليق غير لائق تعليق :elbaramoneyبتاريخ : 15/06/2009 08:41:00 م
الحمد لله

الله أكبر
الحمد لله دي مش هزيمة ده أنتصار أحنا جايبين 3 أجوان في البرازيل وكسبينا بالعافية مش بالعافية بل بالحظ الله أكبر
بس ياريت بس اللي كانوا بيهاجموا في حسن سحاته من يومين والمنتخب
يتحرموا نفسيهم ويموتوا بغلهم
قيم هذا التعليق ابلغ عن تعليق غير لائق تعليق :gfghghبتاريخ : 15/06/2009 08:41:00 م
مبروك لمصر

الف مبروك منتخب مصر ...كانوا رجاله بجد
قيم هذا التعليق ابلغ عن تعليق غير لائق تعليق :ramiبتاريخ : 15/06/2009 08:39:00 م
التكريم واجب

من اهلاوى بيحب المعلم حسن
بعد تكريم حسام حسن فى 2006 واستمرارا فى تكريم احمد حسن هناك سؤال للمعلم........لماذا لاتكرم كل العواجيز ممن لعبوا للمنتخب حتى ولو مباراة واحدة؟ ولا الموضوع فية اية يابو على؟
قيم هذا التعليق ابلغ عن تعليق غير لائق تعليق :beshrawyبتاريخ : 15/06/2009 08:28:00 م
مليوووووون مبرووووووووك

مليون مليون مبروك يارجالة . إيه الآداء ده وإيه الفن ده وإيه الثقة دي . والله والله نفسي نثق في نفسنا أكتر من كده ولما تحصل كبوة مانشيلش سكاكين ونشرح في نفسنا . ونفسي نخلي الدنيا هي اللي تقول علينا إن إحنا إحسن شعب مش إحنا اللي نقول. ونفسي كل واحد يخليه في نفسه مايبصش علي غيره .صدقوني تبقي من أحسن الشعوب لأننا فعلا نستحق بإرادتنا وعزيمتنا وعقولنا وقوتنا إننا نكون من الأمم العظيمة
قيم هذا التعليق ابلغ عن تعليق غير لائق تعليق :shahinhomبتاريخ : 15/06/2009 08:27:00 م
الفن الكروى الرائع

فعلا هزيمة بطعم النصر
لأننا متعنا العالم بكرة جميلة فيها كل فنون كرة القدم
وطبعا أى واحد كان متوقع إننا نأكل 5 على الأقل مع الرأفة
ويمكن العرض الجميل ده نسانا الحزن من هزيمة الجزائر
لكنها فى النهاية كرة القدم
قيم هذا التعليق ابلغ عن تعليق غير لائق تعليق :accountبتاريخ : 15/06/2009 08:27:00 م
مصرى بالسعودية

اولا يا جماعة الف الف الف مليون مبروك على حصل النهاردة دة ماتش مصر والبرازيل والله شرف لكل المصريين وانا من موقعى هذا انشر اليكم البيان التانى بكل امانة وبكل صدق اقولها لكم والان يا جماعة انا
( فخورا جدا انى مصرى واتولدت على ارض مصر وشربت من مياة النيل والحمد لله انى كدة )
بس تعالوا نتكلم بصراحة انتم اينعم مصريين ومتعصبين كنا الاسبوع اللى فات لسه بشتم فى المنتخب وحسن شحاته غلطان والاعبين كبروا ومينفعش مش هما دول ياجدعان بتوع الاسبوع اللى فات
لا اله الا الله
انتم بترفعوا الناس اوى اوى اوى وبعد دقيقة واحدة بترميهم على الارض وتدسوا عليهم
ارحموا من فى الارض يرحمكم من فى السماء وشكرا
قيم هذا التعليق ابلغ عن تعليق غير لائق تعليق :infoبتاريخ : 15/06/2009 08:27:00 م
اللي ناقص

تلافي اخطاء خط الدفاع المتكررة /
سرعة نقل الكورة والتحرك بدون كورة / عدم الترقيص بدون داعي

مع العزيمة والروح القتالية

والله مفيش فرقة تقف قدامنا
قيم هذا التعليق ابلغ عن تعليق غير لائق تعليق :abutalib555بتاريخ : 15/06/2009 08:25:00 م
مصر

احنا الحمد لله لعبنا بشرف وبهدلنا الرازيل واحنا نعتبر نفسنا فوزنا وضربة الجزاء مش جيه في ايده وطرده ظلم
قيم هذا التعليق ابلغ عن تعليق غير لائق تعليق :rop_y55بتاريخ : 15/06/2009 08:24:00 م
دائما

بسم الله ما شاء لماذا لا يكون هذا مستوانا على يا رب لا ننزل عن هذا المستوى ابدا و بارك الله فيكم يا لاعبى الوطن العربى الكبير
قيم هذا التعليق ابلغ عن تعليق غير لائق تعليق :امير الحببتاريخ : 15/06/2009 08:17:00 م
الف الف مليون مبرووووووك

ويااااارب نكسب ايطاليا بقى

هل دة بعيد اوى كدة؟؟

ابدا والله

ادينا شوفنا النهاردة الاصرار والتحدى كان عامل ايه النهاردة


بس ارجوك يا كابتن حسن خد بالك
لازم تفهم ان ايطاليا مش سهلة وانها تابعت ماتشنا وهتاخد حذرها






بس بكرر تانى


اصرارنا هيكون صخرة هتتحطم عليها امال الطليان والامريكان باذن الله



معانا يا رب
قيم هذا التعليق ابلغ عن تعليق غير لائق تعليق :HOSAM_SHAABANبتاريخ : 15/06/2009 08:17:00 م
ربنا كبير والحمد لله

بجد انا مش عارف اقول ايه بس انا قلت قبل كده بعد هزيمة الجزائر حرام تدبحوا الولاد وادعولهم واهو كلامي طلع في محله كل المطلوب مننا كمصريين اننا نكون مع فريقنا مش ضده واديكو شفتوا لعبوا ازاي مع فريق المفروض انه مايتغلبش من اي فريق والحمد لله بس خليكوا مع الفريق وادعولهم على طول وخليكوا معاهم بلاش تكونوا عليهم انا بجد فرحان اوي وكفاية انهم اثبتواللعالم كله ان مصر فيها كورة مش اقل من اي دولة واكرر تاني بلاش تسمعوا لكلم احمد شوبير ومجدي عبد الغني اللي فيه كثير من الشك ولاسباب كلنا عارفينها
وربنا يوفقهم يارب ويكملوا على خير ويفرحونا دايمت زي ما فرحونا كتير
قيم هذا التعليق ابلغ عن تعليق غير لائق تعليق :deof11بتاريخ : 15/06/2009 08:15:00 م
لا احد فوق النقد ولكن

اللى عمله شوبير وعلاء كاذب من يومين مكانش نقد
ده كان تشفي وغل وحقد على انجح مدي فني فى تاريخ مصر خلاص مهما عمل ولا لبخ بعد كده خلاص
مافيش ولا هيبقى في انجاز زي بهدلتنا للبرازيل
موت يا شوبير بغلك
على فكره
مصر فوق الجميع ههههههههههه

قيم هذا التعليق ابلغ عن تعليق غير لائق تعليق :foodaبتاريخ : 15/06/2009 08:14:00 م
بحبك يا مصر

انشاء الله حيعملوها ايضا قدام ايطاليا ...يارب الاداء ده علطووووووووووووووول
قيم هذا التعليق ابلغ عن تعليق غير لائق تعليق :medoبتاريخ : 15/06/2009 08:11:00 م
الحمد لله

الحمد لله على كل شيء و ربنا يكرمنا في باقي المباريات و نتأهل للدور الثاني و نتمنى دعوات كل المصريين والعرب للمنتخب المصري ليستمر من تقدم الى تقدم في هذة الدورة و ربنا يسهل و ندخل كاس العالم انشاء الله

ملحوظة : ربنا معاك يا حسن يا شحاته و قلوبنا معاك والنصر لمصر
قيم هذا التعليق ابلغ عن تعليق غير لائق تعليق :cranshooseبتاريخ : 15/06/2009 08:09:00 م
رجالة وطول عمر ولاادك يا بلدنا

فعلاا رجالة دة اقل شىء يتقال بغض النظر عن الاداء فى الشوط الاول اللى كلة خوف ورهبه وتخبط مدافعين فى بعضهم وعدم سيطرة على الكرة ولاا استحواذ ايجابى الا ان لو اى منتخب كان بيلااعب منتخب ياسم ومهارة ومكانة المنتخب البرازيلىوخرج مهزوم فى الشوط الاول ثلااتةكان حيدخل الشوط التانى مهزوم من قبل ما يلعبة وكان حيشيل اكتر لكن المصرى فى حاجة غريبة حاجة انا نفسى مش قادر افهمها دايما فى الشدايد بنعمل المستحيل بنبهر العالم وعملناها قبل كدة كتير تفتكرو تحرير الارض فى 1973 اللى كان اعجاز فى حد زاتة وفى كل مناسبة المصرى بيثبت انة قادر يبهر العالم بالمستحيل بس للاسف دة مبيظهرش من الاول بيظهر فى وقت الشدايد بس مش جقدر اقول الا عمار يا مصر بولاادك اللى لما بيتعرضو للازمات بتظهر معادنهموشكرا لكل من اسعدنا انهاردة بالاداء العظيم فى الشوط التانى شكرا لمحمد ابو تريكة شكرا لزيدان شسكرا لوائل جمعة شكرا لمحمد شوقى شكرا لااحمد عيد عبد الملك وحتى شكرا لااحمد المحمدى شكرا لكل الرجالة اللى كانو فى الملعب انهاردة وشرفو ورفعو اسم مصر ادام منتخب عالمى زى البرازيل شكرا لكا واحد بيسعدنا فى اى مجال الكورة او غير الكورة وعلى فكرة احنا مهما زعلنا منها وزهقنا من الظلم الاجتماعى اللى فيها الا اننا بنحبها فعلاا يا جماعة بنحبها افتكرو كويس مين فيكم عينية مدمعتش والسلاام الوطنى بيتعزف انهاردة قبل الماتش مين فيكم منطش بعد هدف التعادل التالت لمحمد زيدان واللة فعلاا بنحبها رغم قساوتها علينا0
قيم هذا التعليق ابلغ عن تعليق غير لائق تعليق :anatota555بتاريخ : 15/06/2009 08:09:00 م
ابناء النيل

والله شرفتونا يارجالةوبجد مكناش متوقعين انكوا تكونونوا كدة روحوا صلوا ركعتين شكر لربنا انتوا دخلتوا التاريخ وربنا يوفكوا يا ابناء النيل يا رب
قيم هذا التعليق ابلغ عن تعليق غير لائق تعليق :drem_dodo2000بتاريخ : 15/06/2009 08:07:00 م
برافوا عليكوا ياولاد

والله والله فعلا برافوا عليكوا ياولاد مصر .. كان ادائكوا رائع رائع رائع .. .. والله والله رفعتوا راس مصر عاليا .. .. وفعلا فعلا ابهرتوا العالم وخسرتم بشرف ... ...
ربنا يحميكم يارب ودائما تشرفونا . وتشرفوا مصر .. .. وتسلموا يارب يارب ...
قيم هذا التعليق ابلغ عن تعليق غير لائق تعليق :titozidenبتاريخ : 15/06/2009 08:06:00 م
كان ممكن نكسب

منتخب البرزيل كان بيلعنا على اخطاءنا مكنش بيلعب بااسلوب البرزيل بصراحه كان مستهون بينا على الاخر والجون الاول والتانى ضرب على الافا بس احنا كده ديمن لزم نخاف ونترعب على الفاضى بس على العموم اداء مشرف خصوصا تريكه رجع للزمن الجميل واثبت انه لعيب كبير وزيدان اثبت انه عالمى وشوقى اثبت انه راجع بقوه واحمد عيد اثبت انه هيبقى خليفة ابو تريكه وصانع العب قوى بس المشكله قلب الدفاع هى الكارثه وهى مشكلة مصر كلها مفيش دفاع فى اى نادى قوى لزم نهتم بالدفاع ونعمل خطط قويه فى التمركز والمان تو مان ازى ده تدريس مش اى حاجه
قيم هذا التعليق ابلغ عن تعليق غير لائق تعليق :draculaبتاريخ : 15/06/2009 08:06:00 م
رجاله يا ولاد مصر

رجاله ووقفنا وقفه رجاله
خساره بطعم الفوز
و بجد لو المنتخب كمل كده ممكن نبقى تاتي
قيم هذا التعليق ابلغ عن تعليق غير لائق تعليق :noormagicبتاريخ : 15/06/2009 08:05:00 م
أرفع قبعتي احتراماً لرجالة مصر

أرفع قبعتي احتراماً لمنتخب مصر و هذا الاداء الرائع... الله عليك يا أحمد عيد و يا أبوتريكة و الله العظيم كنا نستحق الفوز بهذا الماتش... و انا مش شايف ان ضربة الجزاء دي متعمدة من اللاعب... كنا نستحق أقل شئ التعادل... الحمد لله على كل شئ... عظيمة يا مصر ... و الله عظيمة يا بلادي... شرفتينا حقيقي
قيم هذا التعليق ابلغ عن تعليق غير لائق تعليق :fearleskhalilبتاريخ : 15/06/2009 08:02:00 م
عملوها الوحوش..

أولا مبروك لكل المصريين احنا أيوة خسرنا بس بشرف..ثانيا المنتخب المصري شرف كل المصريين والحمد لله ان احنا عندنا منتخب زي دة ...اذا كان البرازيل أبطال امريكا الجنوبية..ايطاليا أبطال أوروبا ..أمريكا أبطال أمريكا الشمالية..احنا المصريين أبطال أفريقيا مرتين متتاليين واحنا أحفاد الفراعنة....وفوق كل دة أحنا عندناايمان بالله ودا أقوي من أي شيء ونخلينا نهزم أي فريق في العالم..والحمد لله وان شاء الله القادم أفضل.
قيم هذا التعليق ابلغ عن تعليق غير لائق تعليق :the13ghost_13بتاريخ : 15/06/2009 08:01:00 م
Edelo ya agmd sha3b

donga donga aw3a men shawky we treka we gom3a :D
قيم هذا التعليق ابلغ عن تعليق غير لائق تعليق :vissionplus3بتاريخ : 15/06/2009 07:59:00 م
شكرا يا رجالة

بجد ....
شكرا منتخب مصر
رفعتوا راسنا
يكفينا ان احنا كسبنا احترام العالم كلة والدليل تعليقات العالم كلة علي الماتش في الموقع الرسمي للفيفا ...
شكرا جزيلا...
قيم هذا التعليق ابلغ عن تعليق غير لائق تعليق :raoof_1956بتاريخ : 15/06/2009 07:53:00 م
ما شاء الله علي الفريق المصري

اهم اهم اهم احفاد الفراعنه اهم اهم اهم احلي لعب واحلي فنون لعب لقنوها للفريق الاول بالعالم البرازيل فعلا فااااااازو بالنتيجه لكننا احنا فوزنااااااا لعب وبفنون اللعب وفوزناااا باحترام العالم لنا وما كان في الجزائر داااااا كبوه ولكن الفريق الجزائري يومه اسود في المباراه القادمهان شاء الله اهم شئ اللعيبه يبعدوووو عن الغرور الف مبروك عليك يااااااا معلم الفن والحرفنه واللعب الجميل يا حسن شحاته يا معلم خلي العالم يتكلم عن فريقك وما فعلوه في اغلي لعيبه العالم ( اكثر من نصف مليار دولار)
قيم هذا التعليق ابلغ عن تعليق غير لائق تعليق :zamalkay_1996بتاريخ : 15/06/2009 07:51:00 م
الحمد لله

ده شرف كبير لنا وبعدين يعتبر احنا إلي كسبانين لأنناكنا مسيطرين علي الماتش علي العموم البرازيل كسبت ودخلت اخر جون حظ إلي كان هيصده الحضري لكن طلعنا بشرف
قيم هذا التعليق ابلغ عن تعليق غير لائق تعليق :abood2010_2010بتاريخ : 15/06/2009 07:51:00 م
الله أكبر يامصريييين

لا بجد والله بسم الله ماشاء الله عليهم هزوا فريق البرازيل وشلوا تفكير مدربهم ههههههههههههههههه... والجون الأخير للبرازيل ضربة جزاء وضربات الجزاء حظ من عند ربنا بس بجد أبهرو العالم كله والله المصريين خلوا العالم كله يحترموا المصريين .. وأهم حاجة المنتخب يتعلم من أخطائه القاتلة ويستفيد منهالكي يروق لعيبة إيطاليا ,,, والحكم تأخر دقيقتين وقرر إحتساب ضربة ركنيةوبعدين إحتسب ضربة جزاء وكارت أحمر ؟؟ حكم غريب جدا
قيم هذا التعليق ابلغ عن تعليق غير لائق تعليق :enemamiبتاريخ : 15/06/2009 07:49:00 م
تحيا مصر

بصراحة مصر تستحق الفوز
والبرازيل تستحق الهزيمة
انا مصراوى علطول
قيم هذا التعليق ابلغ عن تعليق غير لائق تعليق :meshoبتاريخ : 15/06/2009 07:49:00 م
مبرووووك يا مصر

مع اننا اتهزمنا بس انا بقول مبرووك على الاداء المشرف و العرض الممتاز اللى ابهرالعالم
قيم هذا التعليق ابلغ عن تعليق غير لائق تعليق :rancy1402بتاريخ : 15/06/2009 07:49:00 م
عودة الروح

سؤال سؤال سؤال ى البرازيل كانت لابسة احمر ليه النهاردة ؟؟؟ بجد الله ينور اول مرة نبقى خسرانين ونحس بالفرح زيدان هايل شوقى رجع سيد معوض مستواه اتحسن جدا ابو تريكة صنع الجونين لزيدان بحرفنة ميعملهاش غيره هانى سعيد ووائل جمعة احسن فى الشوط التانى احمد عيد عبد الملك يستحق اللعب اساسى شكرا ابطال افريقيا ومبروك رجوع المستوى
قيم هذا التعليق ابلغ عن تعليق غير لائق تعليق :ziad_201077بتاريخ : 15/06/2009 07:48:00 م
رد على تعليق المحترم Meso

أولا كلمة بأذن الله بالزين مش بالزال ، ده علشان يكون عندك فكرة بس باللغة العربية ، ثانيا و الأهم أن توقعاتك الحاقدة باءت بالفشل و خيبة الامل ، لأن ال70 مليون كانوا بيدعوا فعلا لفريقنا القومى ومفيش حد منهم كان بيتريق على فريق بلده اللى بيمثله و يمثل و طنه يا.. محترم .
قيم هذا التعليق ابلغ عن تعليق غير لائق تعليق :emmo_khhhhبتاريخ : 15/06/2009 07:47:00 م
masr tor2os 3al samba

be2olo dayman elmasreeen a7san nas yer2oso, we 2adena ra2sna 3al samba,5ato balko men elkam kobry ely 3amalnahom fel match?!!!!,
قيم هذا التعليق ابلغ عن تعليق غير لائق تعليق :hazem-hasanبتاريخ : 15/06/2009 07:47:00 م
مصر تبهرنا أولا ثم تبهر العالم

غعلا المنتخب المصري أبهرنا اولا ثم ابهر العالم بجد منتخب رجالة وعندهم الارادة والعزيمة وفعلا لو عاوزين تثبتوا أنك منتخب لايستهان بيه لابد من نفس الأداء امام منتخب أيطاليا ومنتخب امريكا.
واللقطة الجميلة إللي عمرها ما هتتنسي في الذاكرة وهية صورة المشجع المصري عندما بكى بعد هدف منتخب مصر الثالث.
ربنا يوفق المنخب والعودة سريعا للتصفيات كاس العالم وهذا المكان الحقيقي للفراعنة هوة كأس العالم بجنوب أفريقيا يا رب النصر لمصر.
قيم هذا التعليق ابلغ عن تعليق غير لائق تعليق :comment248بتاريخ : 15/06/2009 07:45:00 م
تمام أوي

يا ما انت كريم يارب.......
الله ينور يا رجاله كملوها كده نوصل كاس العالم..
ونبهدل الدنيا, زمان الجزائريين ركبهم بتخبط ع الجيران
قيم هذا التعليق ابلغ عن تعليق غير لائق تعليق :swittycattبتاريخ : 15/06/2009 07:43:00 م
الله عليكي يا مصر

انا بصراحه انبهرت بالماتش اوي كان في شويه قلق بس المنتخب المصري لعبوا حلو وبذلو مجهود كبير بصراحه
قيم هذا التعليق ابلغ عن تعليق غير لائق تعليق :mohd1234بتاريخ : 15/06/2009 07:42:00 م
هزيمة بطعم الفوز

هذا هو لسان حال المصريين كلهم حاليا . وانا اولهم , لان احسن متفائل كان بيقول هنتغلب 5 بس ... بس والله العيال رجالة رجالة برافو عليهم بجد ربكوا منتخب البرازيل وده دافع كويس لينا حتى مغ اننا اتغلبنا
قيم هذا التعليق ابلغ عن تعليق غير لائق تعليق :AyEcHبتاريخ : 15/06/2009 07:40:00 م
كلمة السر احمد عيد

والله العظيم كلمة السر فى مباراه مصر
الجندى المجهول""" احمد عيد """

شرفتونا يا منتخب وشرفتنا يا
ابو تريكة يا كبير اوى اوى اوى
ويا هداف يا كبير يا زيزووو
ويا معلمين اوكا و هانى و وجمعة
ومعلش يا كينج يا حضرى
و مش هننسى الجناحين سيد معوض و احمد فتحى ومدفعجى شوقى

ربنا يكرمنا ان شاء الله فى مباراه ايطاليا

بس بجد انا فرحان وكلنا فرحانين بيكو يا منتخب مصر شرفتونا

-
-
-

لازم تبقو احسن من كدة فى ماتش ايطاليا
عايزين مص تغلب ايطاليا وامريكا

ونثبت لكل افريقيا والعرب ان مصر اول فريق عربى مسلم يغلب فرق اوروبية وامريكية احنا مش قليليين احنا اقوياء جداااااا

اخوكو عايش
قيم هذا التعليق ابلغ عن تعليق غير لائق تعليق :amrsaad123بتاريخ : 15/06/2009 07:38:00 م
مبروك لمصر!

هزيمتنا اليوم ،ولأول مرة بطعم النصر!
لماذا لم نؤدِّ هذا الأداء أمام الجزائر؟
النجوم:كل الفريق وعلى رأسهم زيدان وشوقى
قيم هذا التعليق ابلغ عن تعليق غير لائق تعليق :xyyyبتاريخ : 15/06/2009 07:38:00 م
ارفع رأسك يا مصري

مصر تستحق اللقاء ولكن الذي حدث هو عدم تصديق اللاعيبة النتيجة مما واصرار البرازيلين وخبرتهم في الكرات الثابتة
قيم هذا التعليق ابلغ عن تعليق غير لائق تعليق :ensanبتاريخ : 15/06/2009 07:38:00 م
فضيحة برازيلية

مبارة تاريخية بكل المقاييس

كون البرازيل بطلة العالم تفوز على المنتخب القومى فى أخر دقيقة دا انجاز

وأحب أقول أن هدف شوقى والكام باص اللى قبلة ده يعتبر فضيحة لمنتخب السامبا

الله عليكم
والله عليكى يا مصر
قيم هذا التعليق ابلغ عن تعليق غير لائق تعليق :kzaghloulبتاريخ : 15/06/2009 07:36:00 م
بكل فخر

بصراحة احنا فوق التمام بشويتين
و بكل فخر أقول دى فرقتى و فرقة بلدى إللى مشرفانا و رافعة راسنا قدام واحد من أكبر فرق العالم
قيم هذا التعليق ابلغ عن تعليق غير لائق تعليق :AhmedwaelHassabبتاريخ : 15/06/2009 07:35:00 م
كلاكيت تانى مره الذعر و الدموع

انا بشوف الاعاده للاجوان ,,, الجمهور البرازيلى بيعيط

و عالفكره البرازيل متعتبرش كسبانه ,, ده احنا اللى كسبانين .. كسبنا لفط نظر العالم لينا ,,

الحمد لله فى الاول و الاخر
قيم هذا التعليق ابلغ عن تعليق غير لائق تعليق :nonoبتاريخ : 15/06/2009 07:35:00 م
مبرووووووووووووووووك

مبرووووك لمصر على الاداء الرائع بجد انا حاسه اننا كسبنا ما خسرناش لعبنا حلو اووووى عكس ما كل المصرين توقعوا ياريت نفضل كده على طول بجد كنا احسن من البرازيل .مبرووووووووووووو... يا احلى لعيبه واحلى منتخب فى الدنيا ومبرررررررروك يا زيدان على الخطوبه وش مى حلو علينا مبروووووووووووووو...
قيم هذا التعليق ابلغ عن تعليق غير لائق تعليق :bland_babyبتاريخ : 15/06/2009 07:30:00 م
مشاء الله عليكم يا مصرين

و اللهى و اللهى رجاله و بجد فخورين بيكم قوىىىى انتم شرفتوا مصر و هزئتم اسطورة الكورة الوهمية البرازيل
و معلش مش مهم المكسب احنا لعبنا بشرف فوق الوصف
و بجد شوفوا يا جماعة اجوان مصر ممتعة ازاى و اجوان البرازيل ملهاش طعم ازاى بجد ربنا يحميكم يا رجاله و تكملوا على كده
و تعرفوا ديما ان المصرى لو حاب يعمل حاجة بيعملها و بيتفوق فيها
قيم هذا التعليق ابلغ عن تعليق غير لائق تعليق :gadooبتاريخ : 15/06/2009 07:30:00 م
مصر

واللة واللة واللة كدة احنا خدنا كاس القارات وكاس العالم وشكرا رجالة مصر شكرا على الروح شكرا على انكم اثبتوا ان المصرين يستطيعوا تحطيم الجبال شكرا


اشترك الان معنا ليصلك جديدنا يوميا عبر الايميل