مشكلة المهندسة سحر مع البواسير وغشاء البكارة

مانعرضه هنا هيا استشارات طبية يجيب عليها احد اطباء الامراض التناسلية


دكتور لو سمحت انا هتجوز كمان شهر وقلقانه جدا من غشاء البكاره انا الحمد لله ملتزمة وعمرى ما عملت اى حاجه مع حد او حتى لوحدى.
المهم انى من فتره كان عندى البواسير وحصل انى حسيت بتقل رهيب وحاجه حاده جدا لكنها بتتقطع وبعدها لقيت دم بسيط بس لونه فاتح قوى.وبعدها قلقت قوى وتانى موقف قلقنى انى كنت بحط لبوس كعلاج للبواسير ومره حسيت بوجع رهيب وكأنها طلعت فى معدتى وساعتها قلقت انى ممكن اكون حطتتها فى حته غلط. المهم انى سألت اختى وقالتلى حطتى صباعك شويه لقتيه دخل كله يبقى انا مفيش غشاء لو ما دخلش يبقى لا. المهم انى عملت كده وحسيت انى لو دخلت صباعى اكتر هيدخل وساعتها قعدت اعيط جامد جدااااا وما بنمش والقلق هيموتنى يادكتور. ومن فضلك رد عليا على الايميل لانى بجد ما بنمش. انا اسمى سحر مهندسه كمبيوتر وجوازى كله متوقف على رد حضرتك عليا.

عزيزتى سحر
برغم انك مهندسة كمبيوتر إلا أنك تجهلين أبسط قواعد معرفة الجسد، فهذه المعلومة التشريحية البسيطة مجهولة بالنسبة لك وهى أن فتحة الشرج بعيدة عن فتحة المهبل ولا تغطيها الشفرتان، فمن الممكن اللخبطة بين فتحة البول والمهبل عند الجهلة لأن الشفرتين تغطيانهما، ولكن الصعب اللخبطة بين فتحة الشرج والمهبل، وهذا يرجعنا إلى ضرورة دراسة الثقافة الجنسية فى المدارس، وأنتى أردتى تدارك الخطأ بجريمة أكثر جهلاً وهى الفحص غير المدروس والعشوائى، والأمل فى تهدئتك هو أن يكون صباعك دخل من الفتحة الموجودة فى الغشاء ولم يهتكه وهذا يحتاج بالطبع لفحص، وهذه صورة لتوضيح فتحة الشرج وعلاقتها التشريحية بالمهبل.