شوية نكت جديدة على كيفك

مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب

ــــــــــــــــــــــــــــــــــــــــــــــــــ ــــــ
توأم بيقول لأخوه التوأم وهو متنرفز إنت كنت فين ياعم أمك حمتنى مرتين

ــــــــــــــــــــــــــــــــــــــــــــــــــ ـــــــ
واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول."

ــــــــــــــــــــــــــــــــــــــــــــــــــ
ولد سأل مامته الحامل مشير الى باطنها وقال مين ده يا ماما قالت له اخوك وقال الولد وانت بتحبيه؟ قالت له أيوة فقال لها أمال اكلتيه ليه ؟

ــــــــــــــــــــــــــــــــــــــــــــــــــ ــــــــــ
ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد

ــــــــــــــــــــــــــــــــــــــــــــــــــ ــــــــــ
مره موجه جغرافيا دخل الفصل ووقف تلميذ قالله انا هارسم رسمه وانت تكمله الموجه رسم دايره الواد رسم خط فى النص،الموجه رسم خط يقسم الدايره اربعه الواد رسم له نقطه .. الموجه طلع من الفصل سعيد وانت مدرس ممتاز وقعد يشكر فى المدرسه وقال انا وقفت طالب رسمت له الكره الارضيه رسم لى خط الاستواء رسمتله خط جرينتش رسم لى نقطة مركز الكره الارضيه .. وطلع الواد يقول عالموجه ده راجل طماع ده عينه فارغه وقاللهم رسم لى رغيف عيش عالسبوره قلتله انت النص وانا النص قاللى لا انا التلات ارباع وانت الربع قلتله لا بقه دانا هاخلع لك عينك

ــــــــــــــــــــــــــــــــــــــــــــــــــ ــــــــــــــ
مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟

ــــــــــــــــــــــــــــــــــــــــــــــــــ ــــــــــــــــ
مرة واحد راح للبقال اقاله هات ببريزه حلاوه طحنيه قاله ما فيش قاله ادينى اى حاجه قاله ما فيش ، قاله يا عم هات اى حاجه، البقال جاب القالب وبيقطع حته علشان يديهاله قالو انت لسه هتشيل منه
ــــــــــــــــــــــــــــــــــــــــــــــــــ ــــــــــــــــــــــــ
مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.
ــــــــــــــــــــــــــــــــــــــــــــــــــ ـــــــ
واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى

ــــــــــــــــــــــــــــــــــــــــــــــــــ ــــــــــــــــــــــــــ
مرة ولد صغير راح لجارته وطلب منها انها توريه لسانها فسألتة ليه: فقالها عشان ماما بتقول ان لسانك زي العقربة

ــــــــــــــــــــــــــــــــــــــــــــــــــ ــــــــــــــــــــــــــ
مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ
ــــــــــــــــــــــــــــــــــــــــــــــــــ ــــــــــــــــــــــــــ
ودي طريقة مفيدة هاتعرف بيها لو في ماتش كرة الماتش ده مصري ولا لا
عندما يصاب المتفرجون في الاستاد بالهياج كلما توجهت كاميرا التليفزيون ناحيتهم .

لما تسال مشجع عن توقعاته للنتيجة هايقولك .. (وتوقعاتي ان شاء الله هنغلبهم تسعه)

عندما تسود لغه الاشاره في تعامل اللاعب مع الجمهور..
تبقى قاعد بتتفرج على الماتش انت ومراتك وتلاقي ابراهيم سعيد دابب كيلو بويا احمر واصفر في شعره .

عندما يقوم لاعب "بترقيص " لاعب اخر .. فيضربه الاخير "بالقلم على قفاه " ويستكمل اللعب عادي .

عندما يجري اللاعب الذي احرز الهدف وهو يتحاشى زملائه الذين يجرون ناحيته لتهنئته ويصر على ان يجري بمفرده في كادر الكاميرا التي تنقل المباراه ..( مش عايز حد يطلع معاه )

عندما يعتدي كابتن كبير بالضرب على "العيال اللي بتجيب الكوره من ورا الجون "..

عندما يختفي صوت المعلق .. فتعرف ان الجمهور بدأ "الشتيمه "

عندما تستمع في بدايه كل ماتش ينقله التليفزيون للموسيقى المميزه المصاحبه لبدايه الانتقال الى اذاعه خارجيه .. والتي لم تتغير من ايام الكابتن لطيف ..

عندما يقوم المخرج بأعاده احد الاهداف اكثر من سبع مرات , يكون قد احرز خلالها هدفا جديدا ,وتفشل في مشاهده هذا الهدف بعد فتره انتظار طويله تفقدك الامل .. ثم تفاجأ بعد نصف ساعه بالمخرج يعرض هذا الهدف بدون ايه مقدمات ..

عندما يحسب على احد اللاعبين "اوفسايد " فينظر الى حامل الرايه شذرا .

عندما تفوتك مشاهده الدقائق الثلاثه الاولى في المباراه بسبب الاعلانات .

عندما تستمع بعد الماتش اذا فاز المنتخب ببطوله _الى "المصريين اهمه حيويه وعزم وهمه " او "الليله عيد " او "يا دنيا لفي وطوفي وشوفي الكنز اللي اسمه المصريين " .. ثم تظهر المذيعه لتقرأ على المشاهدين نص الرساله التي بعث بها السيد رئيس الجمهوريه لمنتخبنا .

عندمايخبرك المذيع بتغيير اسم المنتخب فجأه من المنتخب القومي الى المنتخب الوطني .

عندما ترى لاعبا يمسح انفه في الفانله .

عندما ترى نوعا من اللاعبين "يتشنكل يروح ماسك وشه " ., وهو نفس اللاعب الذي (يفضل يتمرمغ في الارض من الوجع ) وعندما يرى سياره الاسعاف تدخل الملعب حتى يهب واقفا " ماتقولش يابني جريندايز"

عندما تحمل سياره الاسعاف لاعبيا الى خارج الملعب , وما ان تصل الى الخط حتى يلقى السائق باللاعب على الارض ويهرع هربا من المنطقه كلها .

عندما يحدث تغييرا ويخرج احد لاعبي الفريق المهزوم من الملعب فسيتقبله الجماهير المضاده وهو يخرج بالطبول
والدفوف وتعزف له موسيقى زفه العروسه الشهيره .

عندما يؤمن المعلق بأنه قد اكتشف خطط الفريقين بعد خمس دقائقف من بدايه الماتش "سبحان الله "

عندما تجد المشاهدين قد اكتفوا من التليفزيون بالصوره .. ويستمعون الى التعليق من الراديو .. (غالبا بيكون محمود بكر في التليفزيون وميمي الشربيني في الردايو ).

عندما تجد الجمهور يهتف" سبوه سبوه " موجها هتافه لرجال الامن المدججين بالطبنجات ليتركوا مشجعا قفز البى الملعب وقام بهز شباك مرمى فريق الخصم (علشان يكسر النحس )

"