مسرحية زملكاوية بس حلوة

مسرحية ابطالها لاعبي الزمالك العظام المخلصين للفلوس والشهرة والزمالك طالما سايبهم براحتهم من غير حساب وهي تخيلية ولكن بعد ان تقرأوها ربما تجدوا انها لا تختلف كثيرا عن الحقيقة ولنبدأ
عبد الواحد السيد عازم الرجالة عنده على سهراية صغيرة بعد التراويح والرجالة هم (جيمى\ابو العلا\ايمن\مجدى\اجوجو) وقاعدين عند وحيد دلوقت يتناقشون

جمال\ايه رأيكم نتراهن على نتيجة ماتش الاهلى اللي جاى ؟
ابوالعلا\والله انت فاضى ورايق ياجيمى؟
جمال\لا رايق ولا حاجة بس اهو بنتسلى والرهان على اى حاجة مثلا الف جنيه
مجدى\وماله اراهنك هانكسب 2\0 ياجيمى
اللاعيبةكلها بتضحك ومجدى مستغرب واجوجو ولا فاهم حاجة فيسأل مجدى عن اللى بيضحكهم ومجدى يترجم له اللى حصل و أجوجو يضحك كمان
مجدى(مندهش)\ايه اللى يضحك بس ياجماعة؟
ابو العلا\اصلك بتحلم او بتهلوس
وحيد\حلم ايه ده خيال علمى
جمال\يامجدى ياحبى انا لما بقول نتراهن على النتيجة قصدى نتراهن هانخسر كام او لو ربنا كرمنا هانتعادل سلبي ولا ايجابى تقوم تقول نكسب والله ضحكتنى يابنى خليك واقعى
عموما ماعلينا يللا ياجماعة سيبكوا من مجدى من يراهن
انا بقول ان شاء الله ان ربنا هاينصرنا ويسكت الناس اللى عمالة تقول هانشيل ستة انا شايف انهم اربعة بس وكمان انا هاجيب جون
وحيد\ اربعة ليه انت ناسي ان انا حامى العرين هما جونين وكمان واحد فيهم ضربةجزاء
ايمن\ان شاء الله واحد صفر بس انا عندى ثقة فيكم
ابوالعلا\واحد بس صحيح ماانت خلعت واللى ايده فى المية مش زى اللى ايده فى الاهلى
مجدى كل دة بيترجم لاجوجو
اجوجو\هاتريك
كله فى نفس واحد\هاتريك؟You Agogo?
اجوجو(مبتسما)\Not me its flavio who will score and we will lose by 3
مجدى\والله حرام عليكم بقى الموضوع عندكم بالبساطة دى وفى ناس بتموت علشانكم الف مرة
وحيد\من غلبنا والله يامجدى يعنى نعمل ايه؟
جيمى\ انتم هاتقلبوها غم ولا ايه سيبك من الرهان دة
مين يلعب معايا ال 11( الفائز)؟
وحيد\نعم ياخويا
جيمى\ وعاملين فيها بتوع لغات قصدى(winning eleven) يعنى بلاى ستاشن
وعلى نفس الرهان
وحيد\انا بس خليهم الفين جنيه
جيمى\اوكى يللا شجعوا يارجالة هاتاخد مين ياواد
وحيد\اكيد طبعا الزمالك بلا ادنى شك
ايمن\اصيل يا وحيد
مجدى وكله حماس\ربنا معاك
وانت ياجمال تختار مين؟
جيمى\بلا ادنى شك
( الاهلى)
ايمن\نعم ياحبيبي
مجدى\اكيد قصدك اهلى دبى؟
جيمى\لا ياباشا الاهلى المصرى بتاعنا
ايمن\وقادر تبيع ناديك؟
جيمى\absolutely
دول الفين جنيه
وبعدين ماتعملوش وطنيين اى حد مكانى هايعمل كدة
مجدى\طب وحيد ماعملش زيك
والله اصيل يا وحيد
وحيد بيقول لنفسه\انا اللى جبته لنفسي ياريتنى ماعملتش وطنى
جييمى\بتقول حاجة يا اسد؟
وحيد\لا انا بغمغم
جيمى\طيب يللا نعمل الخطة
ويبدا كلاهما فى عمل الخطة للعب
ايمن بيقول لعبد الواحد\ماتلعبش جيمى خسارة فيه
وحيد\والعب مين بس دة اللى حيلتى
ابو العلا\هاتلعب مين جانبي فى خط الوسط
وحيد \لا
ماانت مش هاتلعب
ابو العلا\ليه ان شاء الله هو انا عندى انذارين؟
وحيد\ بزمتك لومكانى هاتلعب مين؟
ابو العلا\والله عندك حق انا كنت هاشيل نفسي من الخطة واطلع هانى قدام ومجدى ليبرو
اجوجو\please dont play with one striker only
put sherif beside me
dont be like holman
وحيد\اطمن يا اجوجو هى كدة كدة ضايعة
جيمى\جاهز ياواد تريكة ناويلك
عبدالواحد\وانا جاهز
توكلنا على الله
ويصفر الحكم ويبدأ الماتش و..........طرد لفتح الله اول دقيقة
وحيد \ليه والله ع الكورة
مجدى\والله حرام
جيمى\ماليش دعوة دة شال فلافيلو خالص
ايمن\الحق ياوحيد
ابوالعلا\وايه دة كمان
مجدى\جيمى بيعترض ع الحكم كالعادة
ايمن\حتى فى البلاى ستاشن يا جيمى
وحيد لجيمى البلاى ستاشن\ابوس ايدك بلاش ياجيمى مش طالبة حد تانى
ولكن الحكم يطلع الانذار
مجدى\والله احنا عمرنا ماكان معانا حظ
(يستانف الاتنين اللعب) ..............و جووووووووول
جيمى\الاهلى فى كل حتة عمال يجيب اجوان ههههه
الله عليك يابركات
مجدى\مافيش دم دة انا كنت مصاب ولسة مانزلتش وانت استغلالى
وحيد يقوم باعادة عمل الخطة وفجأة
(لاااااااااااااااااااا)صرخة يطلقها ايمن
ابو العلا\ايه يا ايمن خضيتنى؟
ايمن لعبد الواحد\يعنى شارة الكبتنة سيبتهالك
بعد الطرد لعبت مساك وسكتلك
تقوم مغيرنى بعد الجوول ليه؟
وحيد\ما انت السبب يا ايمن فى الجوول الكرة مقطوعة منك
ايمن\رجعنى مركزى واتفرج ع اللعب
وبعدين كنت هاتنزل مين عبدالرءوف ولا عيلاء؟
يبدأ الشوط التانى و ضربة جزاء
مجدى\الله ينور ياوحيد
جيمى\ايه ده انت هاتجيبها ولا ايه يا وحيد؟دة تمثيل والحكم ظالم
ايمن\تمثيل ايه ده انت يا جيمى اللى جبتها
جيمى\ما انا بقول تمثيل علشان كدة انا عارف نفسى وشادى ماعمليش حاجة انا اللي بمثل
وحيد\وانا ماليش دعوة واجوجو يدخل ع الكورة وووووو جووووول
مجدى\الله اكبر
اجوجو\its me
i thought i will never score again
جيمى\لسةالماتش طويييييييل
وتستكمل المباراة والدقيقة التانية من الوقت بدل الضايع ...... وانفراد
جيمى\يللاياتريكة يللا يللا
مجدى\هاتصدها ياوحيد
ايمن\خللى بالك
وتريكة ووحيد تريكة ووحيد تريكة ووحيد وحيد يصدها بس تريكة تخبط فيه تانى بالحظ كالعادة و و و و يلعب الكرة والجوون فاضى
وجيمى لسة بيقوم مجدى فى البلاى ستاشن يلحقها من ع الخط
ايمن ووحيد وابو العلا \الله عليك يامجدى
فى البلاى ستاشن مجدى بسرعة يسلم الكرة ل جيمى يرقص جمعة وهجمة مرتدة ووان تو مع اجوجو وانفراد وكل اللاعية واقفة مستنية و وووووو
جووووووووول
الزمالك يكسب فى اخر دقيقة بجول حمزة
ومش قادر اوصفلكم فرحة اللاعيبة (ايمن حضن مجدى و ابو العلا قعد يتنطط ووحيد بيرقص)
اما جيمي كان بيبكي
وحيد \ايه ده فى ايه ياجيمى؟
جمال\شوفت انتم فرحانين ازاى؟بقالنا كتيرمافرحناش كدة
صعبت عليا نفسي اوى
نفسي ندوق طعم الفرحة دى تانى
احنا كسبنا فى البلاى ستاشن وشوف عملنا ازاى
مابالك بالحقيقة؟
طب وجمهورنا فرحته هاتبقى عاملة ازاى؟
عارفين والله انا اخترت الاهلى ونفسى من جوايا اخسر والله مش زعلان والله فرحان كانى اخدت الدورى تيجوا نتعاهد اننا نفرح تانى؟
ايمن\اوعدك
مجدى\باذن الله
وحيد\معاك
ابو العلا\يارب
اجوجو\zamalek zamalek


اذا اعجبتك موضوعاتنا فاشترك في القائمة البريدية بالاعلى على اليسار ليصلك جديدنا يوميا