رحيل رجل الاعمال محمد نصير مؤسس شركة فودافون مصر

توفى مساء الجمعة فى ألمانيا بعد صراع طويل مع المرض رجل الأعمال البارز محمد نصير رئيس مجموعة "ألكان" القابضة ورئيس جمعية رجال الأعمال المصرية البريطانية.
وسوف يتم تشييع جنازة محمد نصير - 72 عاما - يوم الثلاثاء من مسجد آل رشدان بمدينة نصر.
وكان الفقيد قد قضى الثلاثة أشهر الأخيرة في رحلة علاج متنقلا ما بين بريطانيا وألمانيا ، حيث وافته المنية مساء الجمعة.
وقد اكتسب محمد نصير شهرة واسعة فى عالم الأعمال منذ بداية الانفتاح الاقتصادي عام 1974 ، حيث أسس مجموعة "ألكان" التي يمتد نشاطها للاتصالات والتشييد والبناء والغزل والسيارات ، وتمارس أعمالها فى 11 دولة.
اخر لقاء لنصيروكان الفقيد قد بدأ حياته الوظيفية فى مركز الأهرام للمحاسبات .
كان نصير قد ترك رئاسة مجلس إدارة "فودافون" وباع حصته فيها منذ نحو عامين، وعمل فى بدايات حياته مع مركز الأهرام "أماك"، كما عمل لفترة فى ليبيا وإنجلترا وإيطاليا، وقد حصلت مجموعته منذ عام ونصف العام على وكالة "كيا موتورز" الكورية المشهورة.
نصير له ولدان: خالد رجل أعمال، وعاليا التي تعمل فى مجال الديكور.

من تعليقات القراء

انا اسمع انة كان تاجر سلاح ايضا صح و ولا الكلام سيكو سيكو ( اللة جاب اللة خد اللة علية العوض ) و كام مناسب حد من بتوع 23 يوليو

*************
انا صحفي وقابلت نصير مرتين ومكانش يعرفني قوي لمنه احساسي انه راجل محترم وكان متواضع فعلا والبلد موش كلها ناس وحشة، ونحسبه علي ذلك ولا نزكي علي الله أحد.
ربنا يصبره ويصبر ابنه المهندس خالد
والله ببكي دلوقتي مشو عارف ومشو فاهم ليه
يمكن تذكر الموت ويمكن لان الراجل كان مريح. رينا يغرف له ذنوبه ويا ريت ولاده وكل رجال اأعمال ياخدوا العبرة ويبدأو الصدقة الجارية ويبعدوا عن الشبهات

********************
رأيت الدهر منقلب يدور ........... فلا حزن يدوم ولا سرور
رأيت الناس كلهم سكارى .........وكأس الموت بينهم يدور
فواعجبي لمن يسهو ويلهو.......ويعلم أن مسكنه القبور

*****************
انا معرفش محمد نصير شخصيا بس انا اشتغلت في شركيتين من الشركات الكبار في مصر في مجموعة احمد بهجت و في مجموعة طلعت مصطفي

صدقوني الناس دي ناس كويسة قوي بس طبعا احيانا بيحصل ان بيوصلهم معلومات غلط من الناس اللي حوليهم و بيكون نتيجة المعلومات دي انهم بيتصرفوا علي اساسها بشكل مخالف لتوقع العاملين معاهم بس بالنسبة للناس اللي بتقول هوه فيه رجل اعمال محترم انا مش راجل اعمال يا جماعة انا واحد زيكو عشان متقولش اني بدافع عن رجال الاعمال بس كل اللي بحاول افكركو بيه ان مهنة رجل الاعمال زيها زي اي مهنة تانية فيه الرجل المحترم و فيها اللي مش محترم
بلاش نحاول نسقط احساسنا باي حاجة وحشة علي الناس لمجرد انهم اغني مش لازم عشان اكون غني او رجل اعمال اكون بتاجر في السلاح او المخدارات او بدفع رشاوي صدقوني يا جماعة لو كل رجال الاعمال و رجال النفوذ في مصر كانو وحشين زي ما احنا متخيلين كن زمانا حصلنا العراق من زمن طويل قوي عارفين انا اكتر واحد ياس فيكو و يمكن فيه 5 بنوك بتجري ورايا عشان اسدد الاقساط اللي عليه و ده طبعا من الكساد الاقتصادي اللي خلي شركات كتير تقفل بس برضه بقول يمكن في يوم نحط ادينا في ادين بعض عارفين ساعة مستشفي سرطان الاطفال كل واحد دفع جنيه و عملنا المستشفي اللي صدقوني و انا رحتها احسن من اي مستشفي العالم صحيح مكنش لازم قوي نعملها من بره بالشكل المبهر ده اللي اتكلف ملايين الجنيهات في حين اننا كان لازم نركز علي الشكل العملي و الاداء بس عموما مش مشكلة المستشفي دي تعتبر من احسن مستشفيات العالم و يمكن المستشفي الاولي في الشرق الاوسط كل اللي بقولوه اننا محتجين مشروع قومي تاني نحط ادينا في ادين بعض و كلنا نساعد بعض اننا نعملوه لازم يبقي فيه هدف وطني نسعي ليه لاننا لمه بتوحد بنعمل المستحيل عاوزين هدف وطني مش اهداف فردية صدقوني الصين عملتها و نجحت انا مش عارف الهدف الوطني ايه بس بقترح بس ان يكون لينا هدف وطني واحد كلنا السبعين مليون نعملوه مع بعض شعب و حكومة معلش طولت عليكو